Hindi Tech Blog

Blog ka Ek se Jyada Admin kaise banaye

♠ Posted by Rahul Kumar in
Hello Dosto, Mai Rahul aapka apne Naye Post me swagat karta hu. Aapne pichle post me sikha ki

Blog me apna khud ka template kaise add karein.

Aaj mai aapko bataunga ki Blog me ek se jyada Admin kaise banaye/Jodein.

Dosto, kai baar ham blog bana lete hai lekin samay ki kami ke karan ham Blog par apna time nahi de pate hain or aise me Blog me kai dino tak koi update nahi ho pata hai, jis karan visitors ko lagta hai ki is blog par visit karne se ab koi fayda nahi hai. Is karan Blog ki visit kam hone lagti hai or sath me Google Search me Blog ki ranking par bhi asar padta hai.

Aise me kai baar hame ye bhi lagta hai ki kaash koi or bhi is blog par hamara sath de pata to hame roj-roj blog update karne ke liye samay nikalne ki jarurat nahi padti.

Lekin Blog par update karne me hamara sath koi tabhi de sakta hai jab hum usey apne blog ka Id or Password bata dein. Bahut sare log apni Id or Password kisi or ke sath share nahi karna chahte hain, aise me unke paas ek or tarika hai jiske jariye vo apne blog par kisi dusre person ko Admin bana sakte hain.

Sabse pahle aapko Blogger me apni ID se login karna hoga or fir Side me dikh rahe Menu me SETTINGS me jaayein. Waha aapko BASIC me jana hoga, Waha apko Permissions ke thik niche Blog Authors likha dikhega, Jaisa ki Screen shot me dikhaya gaya hai.


Ab Naye Admin add karne ke liye aapko ADD AUTHORS par click karna hoga, click karte hi aapke samne ek box dikhega, usme jisey aap Admin/Author banana chahte hain uska email address type kariyega or Invite Authors par click kar dijiyega.


Fir jisey aapne Add kiya hai, usey inform kar dijiye or unhe bata dijiye ki aapko ek Invitation aayega, usey Accept kariye. Jaise hi vo accept kar lenge waise hi aapke taraf Blog Authors me do naam dikhenge ek aapka or ek aapke friend ka. Yaha dhyan dene wali baat ye hai ki waha aapko ek drop down menu bhi dikhega jisme Admin or Author likha hoga. Aap apni suvidha anusar unhe Admin ya Author bana sakte hain.

Admin banane par aap unhe Blog ka full access de denge jabki Author banane par us person ko sirf limited access hi mil payega jaise ki post update karna etc.

Aapko ye post kaisa laga is baare me comment box me jarur bataiyega. 

Blogger Me Apna Template Kaise Add Karein

♠ Posted by Rahul Kumar in ,
Hello Dosto, Mai Rahul ek baar fir aapka apne naye post me swagat karta hu. Abhi tak aapne sikha ki Blog kaise banayeBlog me post kaise daleBlog Post setting kaise kare etc.

Aaj mai aapko bataunga ki blogger me apna/custom template kaise add karein.

Dosto, jab bhi hum blogger par blog banate hai to blogger hame kuch templates free me deta hai, agar hum us template ko use karte hain to hame alag se koi naya template add karne ki jarurat nahi hoti hai. Lekin agar hum apne blog ko or bhi jyada attractive banana chahte hain to hum usme alag se khud ka design kiya hua template ya Internet par maujud websites se free/paid template download kar ke bhi laga sakte hain.

Dosto, aapko sayad pata nahi hoga, blog ki ranking badhane me ek achcha template bahut hi important role ada karta hai. Agar aapka template SEO (Search Engine Optimization) friendly hai to Google ke search rank me aasani se aa jayega. Lekin agar aap Blogger ka template use kar rahe hain to search ranking me top par aane ke chance bahut kam hote hai, aisa nahi hai ki Blogger ke template use karne par aapka blog search ranking me upar nahi aayega lekin uske liye aapko kadi mehnat bhi karni padegi.

Template aisa hona chahiye jo Desktop ke sath-sath Mobile me aasani se open ho jaye. Aapko pata hi hoga ki aajkal jyadatar log Mobile par hi net use karte hain, aise me is baat ke pure chance hai ki lagbhag 60% log mobile me hi aapka blog open karenge. Isliye jo bhi template choose kariyega vo SEO friendly hone ke sath-sath Mobile Friendly bhi hona chahiye.

Aaiye Sabse pahle jante hai Custom Template ke baare me. Agar aap programmer hain ya aapko programming aati hai to aap apna khud ka Template design kar sakte hain, lekin agar aapko programming nahi aati hai to bhi paresaan hone ki jarurat nahi hai, aapke liye internet par hajaro websites hai jo aapko free me template dete hai. Agar aapko SEO friendly template chahiye to aap in websites se Template purchase bhi kar sakte hain.

Ab hum maan lete hai ki aapke paas custom template aa chuka hai. Ab mai aapko template upload karne ka process batata hu.

Sabse pahle aap apne Blogger me login karein. Uske baad Template me jaayein aur Backup/Restore par click karein.

Jab  aap Backup/Restore par click karenge to ek ek Pop-up khulega. Waha aapko Download Full Template likha dikhega. Sabse pahle aap apne current template ko download kar lijiye. Agar naya template upload karne me kuch gadbad ho gai ya naya template aapko pasand nahi aaya to aap download kiye hue purane template ko fir se restore kar sakte hain.




Purana Template download ho jane ke baad aap Choose File par click karein, aisa karne par ek box khulega, Naya template aapne jaha bhi save kiya hoga waha se aap us template ko select kar lein or fir Upload button par click kar dein.

Kuch der loading ke baad lijiye aapka naya Template upload ho gaya. Ab aap apne blog ko open kar ke Naye Template ko dekh ssake hain.

Yaha kuch Free Template website ka naam de raha hu jaha se aap free me template download kar sakte hain.


Dosto, aapko ye jankari kaisi lagi, comment box me mujhe jarur batayein.

Useful Widget

♠ Posted by Rahul Kumar in ,
Hello Dosto, Mai Rahul aapka apne naye post me swagat karta hu. Bahut dino se busy chal raha tha isliye post likhne ka samay nahi mila. Hamare ek visitor ne mujhse kuch or useful widget add karne ke bare me likhne ka sujhav diya, isliye mera aaj ka topic bhi isi par hai.

Pichle post me aapne padha ki kaise Jaruri widget Add kiya jaye, is blog me mai kuch aise widget ko add karne ke bare me bataunga jo blogger me hi hoti hai lekin hame unke bare me pata nahi hota hai. Iske alawa aap us apni pasand ke widget ke code kisi or website se copy kar ke (agar free me available hai to) ya fir purchase kar ke apne blog par laga sakte hain. Isse aapka blog/website or bhi aakarshak dikhega.

Isey bhi padhein:-

Sabse pahle mai Blogger me maujud kuch or useful widgets ke bare me bataunga.


Sabse pahle aapko Dashboard me jakar Layout me jana hoga, waha aapko Add a Gadget par click karna hoga.


  1. AdSense:- Dosto, hum sabhi chahte hain ki hamne jo blog/website banaya hai usse hame kuch aamdani bhi ho. Google ka AdSense us aamdani ka sabse bada jariya hai. Agar hame apne blog/website par google ka Ad lagane ka adhikaar mil jata hai to Ad lagane ke liye sabse jaruri chiz hai AdSense widget. Is widget ke jariye ham kisi bhi page par or page ke kisi bhi hisse me (Left, Right, Center, Top, Bottom) par ham Google ke Ad laga sakte hain. 
  2. HTML/JavaScript:- Is widget me ham external code add kar ke ya apna khud ka code likh kar ek custom widget add kar sakte hain.
  3. Profile:- Is widget ko add karne par blog par aane wale visitors Blog Admin ki Google+ Profile dekh sakte hain.

4. Labels:- Jab bhi aap koi post banate hai to us post ke anusar usey ek khas category me dalte hain, or us category ka naam dete hain jisse jab bhi aapko jarurat pade to aapko Saikdo posts ke bich me se vo post talash nahi karna pade balki sirf us category me jane bhar se aapko vo post mil jaye. Isey hi hum Labels bhi kahte hain. Labels widget add karne se sirf Admin ko hi nahi Visitors ko bhi kaafi suvidha hoti hai or Visitors bhi labels dekh kar samajh jata hai ki ye post kis category ka hai or agli bare usey us post ko search karne me bhi asani hoti hai.
5. Pages:- Is widget ke jariye aap apne blog me create kiye gaye sabhi pages ko Horizonally ya Vertically show kara sakte hain.
6. Link List:- Is widget ke jariye aap apne visitors ko apne favourite blog, websites ya links ke bare me bata sakte hain.
7. Text:- Is widget ke jariye aap apne blog ke bare me ya fir koi notification likh kar aap apne visitors ko bata sakte hain.
8. Popular Posts:- Is widget ki madad se aap ye pata kar sakte hain ki is week me ya is month me kon se post par sabse jyada visit hui hai.


9. Search Box:- Ye widget visitors ke liye bahut hi useful saabit hota hai. Visitors ko aapke blog par kuch bhi search karna ho to vo Search Widget me type kar ke search karte hain. Kisi bhi achche blog ki sabse badi nishani hai waha Search Widget ka hona.
10. Blog's Stats:- Is widget ke jariye aap apne blog par total pageviews ki counting dekh sakte hain.
11. Video Bar:- Is widget ke jariye aap apne blog me Youtube ke videos bhi add kar sakte hain. Aapko bas Youtube ke video ka link is widget me paste karna hoga or save karte hi aapke blog par video show hone lagega.
12. Follow by Email:- Is widget ko add karne par aapke visitors or aapke followers ke liye aapke naye posts ke bare me janne me suvidha hoti hai. Jab aapke followers email ke jariye aapko subscribe karte hain to aapke dwara dali jane wali har post ki jankari unke paas email ke jariye pahuch jati hai.


13. Poll:- Aap ye widget add kar ke apne visitors se kuch sawal puch sakte hai, koi quiz puch sakte hain ya kisi poll me participate karne ke liye kah sakte hain.

Dosto, ye tha Blogger me maujud kuch bahut hi jaruri widgets ki jankari. Aap chahe to kisi bhi dusre website se apni pasand ke widget ke code copy/purchase kar ke apne blog par HTML/JavaScript widget me paste kar ke add kar sakte hain.

Ye jankari aapko kaisi lagi, is bare me comment box me mujhe jarur bataiyega. 

Jaruri Widget Kaise Add karein

♠ Posted by Rahul Kumar in ,,
Hello Dosto, Mai Rahul ek bar fir aapka apne naye post me swagat karta hu. Abhi tak maine aapko bataya ki Blog kaise banye, Blog me Post kaise daale, Blog ki setting kaise kare...etc...

Aaj mai aapko bataunga ki Blog me kuch jaruri widget kaise add karein. Aapne dekha hoga ki jyadatar blogs me pageviews show hota hai, kisi live traffic bhi dikhta hai to kisi blog me chatting ka bhi option hota hai. Ye sare widget aap bhi apne Blog me add kar sakte hain.

Sabse pahle hum jante hain ki Blog me Pageviews batane wala Widget kaise add karenge. Iske liye aapko apne Blog ke dashboard me jana hoga, waha Layout par click karna  hoga. Ab Layout me jane par aapko Add a Gadget ka option dikhega.

Widget, Blog Widget,

Add a Gadget par click karein.  Ek naya page khulega, usey scroll kar ke niche jaye waha aapko Blog's Stats milega.


Blog's Stats me (+) par aapko click karna hai. Ab aapke samne aisa page dikhega.

Blog Stats, Pageviews

Ab aap apni pasand ka koi bhi widget select kar lein or Save par click kar dein. Ab aap apna Blog open kariye, aapke Blog me pageviews batane wala widget lag chuka hai.

Aise hi aap Blog Archive, Labels, Pages, Popular Posts, Polls etc. ke widget add kar sakte hain.

Ab bari hai Live Traffic ki. Live Traffic widget add karne ke liye sabse pahle aapko FEEDJIT (Click Here) website par jana hoga. (1) Waha jakar aapko Widget ka apni pasand ka colour chunne ka muaka milega.


(2) Fir aapko niche diye gaye list me se Blogger Blog ya apni pasand ke kisi bhi platform ko chunna hoga. Jaise Blogger Blog, Wordpress.. etc. fir (3) Go button par click kana hai. Click karte hi aapke samne ek code dikhai dega. Aapko us code ko copy kar ke apne blog ke layout me jana hai. Waha Aap Add a Gadget par click karna hai.

Waha HTML/Java Script ko select karna hia, waha ye code paste karna hai or Save kar dena hai. Ab aapke Blog me Live Blog Traffic show hone lagega.

Dosto, aapko ye jankari kaisi lagi, is bare me comment me jarur bataye.

HTML-Java Script Widget kaise add karein

♠ Posted by Rahul Kumar in ,,
Hello Dosto, Abhi tak maine aapko Blog banae, usme post dalne or chhoti-moti settings ke bare me bataya. Aap sochte honge ki kisi bhi blog side me Ad lage dikhte hain ya Facebook Like box bana dikhta hai to vo kaise lagaya jata hai, ye aap jarur sochte honge.

Aaj mai aapko isi baare me bataunga. Sabse pahle mai aapko batana chahunga HTML/Javascript widget kya hai.

Ye blogger me ek Widget hota hai jisme ham HTML/Javascript ke code add karte hain or save karte hi us code se related chize blog me dikhni suru ho jati hai.

Jaise maan lijiye aapko koi Ad lagana hai or aapke paas Javascript ka Code bhi hai to aap HTML/ Javascript widget me jakar ye code paste karenge or Save kar denge. Fir jab aap apne blog ko open kariyega to vo Ad aapko waha show ho raha hoga.

Isey bhi padhein: Use of HTML Tag.

Ab sawal ye hai ki HTML/Javascript ka widget kaise banaye. to dosto, aapko widget banane ki koi jarurat nahi hai. Bas uske liye kuch process follow karne honge. Jo mai pics ke jariye aapko bataunga.

Sabse pahle aap Dashboard par Layout me jaiye.



Layout me aapko Add a Gadget par click karna hai. Click karte hi aapke samne ek naya page khul jayega.


Usme aap HTML/JavaScript ko search kar ke uske samne maujud (+) ke button ko click karenge, ab aapke samne ek khali page khul jayega, jisme do box bane honge.


Inme se ek box Title ka hota hai jaha par aapko apne HTML/JavaScript se related ek title dena hota hai. Generally ham isey khali chhod dete hai. Ab aap content box me apna Code paste karenge. or fir aap Save button par click kar denge. Save hote hi ye box gayab ho jayega.

Ab aapke samne layout ka page wapas aa jayega. Waha aap HTML/JavaScript ke widege ko mouse se drag kar ke upar niche kar sakte hain. Aap chahe to widget ko top par hi rahne de ya fir usey drag kar ke apne manpasand jagah par fit kar dein. or fir layout me upar Save Arrangement par click kar dein. Ab jab aap blog open kariyega to aapne Jo Widget lagaya tha vo aapko show hone lagega.

Dosto, aapko ye jankari kaisi lagi, is bare me mujhe comment kar ke jarur bataye. Dhanyawaad.

Navbar Kaise hataye

♠ Posted by Rahul Kumar in ,,
Hello Dosto, Mai Rahul ek baar fir apne naye post me aapka swagat karta hu. Abhi tak maine aapko bataya ki Blog kaise banayeBlog me post kaise daleFavicon kaise Add karein etc.. Aaj mai aapko Bataunga Navbar kaise hataye.

Dosto, Blogger par blog banane ke baad agar ham apne blog ko sahi se design nahi kare to koi bhi dekh kar bata sakta hai ki ye website nahi blog hai. Apne blog ko Website ka perfect look dene ke liye hame blog ki designing me kuch jauri change karna padta hai.

Powered by Blogger hatane ka upay

♠ Posted by Rahul Kumar in ,,
Hello dosto, abhi tak maine apne pichle post me aapko Blog banae, post dalne or Favicon hatane ke bare me bataya. Lekin aapne dekha hoga ki jab aap blog banate hai to sabse niche POWERED BY BLOGGER likha aata hai, jisey aap chahkar bhi remove nahi kar pate hain.

Aap agar kisi se ye baat kahte hain ki aapne ek website banaya hai or jab vo aadmi aapka blog dekhta hai or waha powered by Blogger likha dekhta hai to vo samajh jata hai ki ye blogger par banaya gaya hai or kuch log Jis baat ko lekar aapka mazak bhi bana dete hain.